Tha INTO (Irish National Teacher’s Organisation) ag ràdh gu bheil an Employment Equality Act a’ toirt cead ri sgoiltean a chur tidsearan à dreuchd air sgàth ’s gu bheil an dòigh-beatha aca a’ dol an aghaidh poileasaidh creideamh nan sgoiltean.

A-rèir Earrann 37 dhen achd faodaidh sgoiltean gnìomh a thoirt gus “bacadh a chur air neach-obrach sam bith a tha a’ lagachadh inbhe creideamh an t-ionad-obrach.”

Tha bòrd stiùiridh INTO a-nis air bhòtadh gus iarraidh airson Earrann 37 a bhith sguabadh às.

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 26/05/2009 -- Àrd-chùirt Chalifornia a’ cumail ri Prop 8 (0)
• 25/05/2009 -- BBC Alba: Deasbad a’ leantainn mu Mhinistearan gèidh (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)
• 07/04/2009 -- Àrd-chuirt Iowa air bhòtadh gus pòsadh-gèidh a dhèanamh laghail (0)

‘S e seo a’ chiad seirbheis aona-ghnèitheach ann an Eilean Leòdhais on a chaidh companasan-catharra a chur an gnìomh ann an 2005.

Thuirt Mgr. Robasdan, a tha ag obair air BBC Alba, “Tha a h-uile rud air a dhol gu ceart. Gun trioplaid sam bith.”

Cha deach seirbheis aona-ghnèitheach a chumail a-riamh anns na h-Eileanan Siar far a bheil creideamh fhathast gu math làidir anns a’ choimhearsnachd.

Thathar a ràdh nach eil fios aig Neach-clàraidh Euphemia “Effie” NicDhòmhaill gum bi an seirbheis a’ dol air adhart, ach cha robh i airson bruidhinn air a’ chuspair.

Aig a’ cheart àm tha muinntir Leòdhais a’ dèanamh gearain gu bheil CalMac a-nis a’ ruith seirbheis eadar Leòdhais ’s Ulapul Didòmhnaich.

Thuirt neach-labhairt an Eaglais “Aig a’ cheart àm ’s a tha am bata-aiseag a’ seòladh air an t-Sàbaid, tha seo na briseadh-dùil. Cha bu chòir dhan Chomhairle a bhith a’ toirt air luchd-clàraidh a bhith a’ dèanamh seirbheisean mar seo. Tha e mì-mhoralta agus na pheacadh.”

Sgeulachdan Co-cheangailte

• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)
• 26/05/2009 -- Àrd-chùirt Chalifornia a’ cumail ri Prop 8 (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)
• 12/02/2009 -- An Eaglais Chlèireach a’ deasbad aonaidhean aona-ghnèitheach (0)
• 22/02/2010 -- Deasbad mu Companasan-catharra san Eilean Mhanainn (0)

Chaidh an co-dhùnadh a dhèanamh dìreach dà latha as dèidh don Àrd-sheanadh bhòtadh 326-267 gus cead a thoirt ris an t-Ùrr. Scott Rennie a bhith na mhinister aig Eaglais Chrois na Banrighinn ann an Obar Dheathain, ged a tha e a’ fuireach le companach fireann.

Thèid coimisean àraidh stèidichte gus a’ chuspair deasbad agus aithisg a dhèanamh ann an 2011.

Chaidh casg a chur air buill an eaglais bhon a bhith a’ bruidhinn air a’ chùis ris na meadhanan.

Sgeulachdan Co-cheangailte

• 25/05/2009 -- BBC Alba: Deasbad a’ leantainn mu Mhinistearan gèidh (0)
• 24/03/2009 -- Gearanan a’ cur bacadh air ministear gèidh (1)
• 13/03/2009 -- Deasbad mu dhaoine gèidh a’ toirt seachad fala (0)

Bhòt na britheamhan 6-1 an-aghaidh luchd-taic pòsaidhean gèidh a bha a’ gearann air sgàth ’s gu bheil Prop 8 a’ dol an-aghaidh Bun-reachd nan Stàitean Aonaichte. A dh’aindeoin an co-dhùnadh seo, bhòt iad uile gu lèir airson na 18,000 pòsaidhean a chaidh a chumail mar thà cumail laghail.

Cha robh ach Britheamh Carlos R. Moreno, an aon Democrat anns a’ chùirt, airson Prop 8 a chur às.

Cha pòsadh gèidh a dhèanamh laghail ann an California anns a’ Chèitean 2008, ach a-rèir Prop 8 a chaidh a chur an gnìomh anns an t-Samhain 2008 tha pòsadh a’ ciallachadh aonadh eadar fear agus bean.

Tha luchd-gnìomh gèidh air ràdh gu bheil Prop 8 a’ dol an-aghaidh a’ bun-reachd agus gu bheil e a’ dèanamh leth-bhreith orra. Tha iad cuideachd ag ràdh nach eil companasan-catharra, a tha ceadaichte anns an stàit, co-ionannachd ri pòsadh.

Bidh daoine gèidh a’ togail fianais an-aghaidh a’ cho-dhùnadh air feadh California an-diugh.

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)
• 07/12/2008 -- Tha bhidio ùr air nochdadh an aghaidh Tairgse 8 California (0)
• 23/12/2008 -- Iongnadh mòr air California às deidh baraile bho Attorney General (0)
• 08/04/2010 -- Aonadh Èireannach air ràdh gu bheil leth-bhreith ceadaichte ann an sgoiltean (0)

Leanaidh an deasbad aig Àrd-Sheanadh Eaglais na h-Alba Diluain air am bu chòir do dhaoine a tha gu fosgailte ann an càirdeasan gèidh a bhith ceadaichte àrd-oifisean a bhith aca san Eaglais.

Disathairne bhòt 327 coimiseanar gun robh Clèir Obar Dheathain ceart ann a bhith a’ cur taic ri calla bho Eaglais Chrois na Banrighinn gu Scott Rennie, a tha a’ fuireach le companach fireann.

Tha sin a’ ciallachadh gun tèid Mgr Rennie a phòsadh ris a’ choithional san Òg-Mhios – sia miosan an dèidh dha an calla fhaighinn.

Tha Mgr Rennie air a bhith na Mhinistear aig Àrd-Eaglais Bhrechin bho 1999.

Bha 13 buill de Chlèir Obar Dheathain mi-thoilichte leis an t-suidheachadh mu choinneamh Mgr Rennie agus thug iad a’ chùis chun Àrd-Sheanadh.

‘S fear de na priomh dhraghan a bh’ orra nach robh an clèir air beachd a shireadh bhon Eaglais air fad mus do chur iad taic ri dreuchd ùr Mhgr Rennie.

Gluasadan

Bha aig an 900 Coimiseanar a bha an làthair ri bhòtadh air dà ghluasad.

Thàinig a’ chiad ghluasad bhon t-Urr. Jeremy Middleton, Eaglais Davidson’s Mains, Dùn Èideann, a bha airson gun deidheadh gabhail ris a’ ghearain an aghaidh Chlèir Obar Dheathain agus nach deidheadh an t-Urr. Scott Rennie a phòsadh ri coithional ùr.

Ghluais an Dtr. Urr Seòras Whyte an aghaidh a’ mholaidh sin agus esan ag radh gum bu chòir cuir às don ghearain an aghaidh a’ chlèir.

Bha moladh Dhtr. Whyte ann an dà phàirt agus an dàrna pàirt ag iarraidh nach deidheadh a’ chùis seo a mheas mar seasamh oifigeil na h-Eaglasie air Ministearan gèidh.

De na co-dhiù 900 coimiseanaran a bha an làthair bhòt 326 airson gluasad Mhgr Whyte agus 267 airson gluasad Mhgr Middleton. Bha còrr is 300 nach do bhòt idir.

Tagradh

Thòisich an deasbad mu chlèir Obar Dheathain agus lean e gus an do bhòt na coimiseanaran aig 22.21, mar sin cha chualas an tagradh bho chlèir Lochcarroin ’s an Eilean Sgitheanaich.

Thèid an tagradh sin, a mholas gur e a-mhàin Ministearan, eilltearan agus deacoin a tha ann am pòsadh eadar fireannach agus boireannach no a tha singilte, a bu chòir a cheadachadh san Eaglais.

Bidh cothrom ann do choimiseanaran iad fhèin molaidhean eile a chur air adhart cuideachd.

Tòisichidh an deasbad sin aig 1600 Diluain is dùil gum mair e grunnd uairean a thìde.

Sgeulachdan Co-cheangailte

• 26/05/2009 -- Casg air ministearan gèidh ùra fad dà bhliadhna (1)
• 24/03/2009 -- Gearanan a’ cur bacadh air ministear gèidh (1)
• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)
• 08/04/2010 -- Aonadh Èireannach air ràdh gu bheil leth-bhreith ceadaichte ann an sgoiltean (0)

Chaidh ath-chuige a chruthachadh thall aig http://www.thepetitionsite.com/1/support-scott-rennie le Alan Parker. Tha e ag amas air 10,000 daoine a chur an aimnean ris.

Faodaidh tu pìos leughadh mu dheidhinn a’ chuis an-seo air Naidheachdan Pinc: http://cristean-macmhicheil.co.uk/naidheachdanpinc/index.php/gearanan-a-cur-bacadh-air-ministear-geidh/

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 25/05/2009 -- BBC Alba: Deasbad a’ leantainn mu Mhinistearan gèidh (0)
• 24/03/2009 -- Gearanan a’ cur bacadh air ministear gèidh (1)
• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)
• 08/04/2010 -- Aonadh Èireannach air ràdh gu bheil leth-bhreith ceadaichte ann an sgoiltean (0)

Tha Clèir Shiite Sattar al-Battat air a bhith a’ dìteadh co-sheòrsach anns na h-ùrnaighean Dihaoine aige uair is uair.

Thuirt am poileas ann an Irac gun deach an dithis a mhurt Diardaoin agus gu bheil iad a’ smaointinn gur e na teaghlaichean a tha as coireach. Tha an Associated Press air ràdh nach eil duine sam bith air na cuirp a thagradh neo air iarraidh airson rannsachadh.

Lorg am poileas ceathrar cuirp a bharrachd mìos seo chaidh leis na faclan pervert agus puppies (facal tarchaiseach air a chleachdadh san sgìre) orra.

Nuair a bha an sgìre fo smachd am Armachd Mahdi bha co-sheòrsachd an-aghaidh an lagh, ach on a chaidh ceasefire a chur an gnìomh, tha daoine gèidh air a bhith a’ cruinneachadh aig cafaidh sa bhaile.

Tùs: Pink News: Six gay men murdered in Iraqi slum

Sgeulachdan Co-cheangailte

• 24/03/2009 -- Cha tèid BP Iris Robinson a thoirt gu lagh (0)
• 08/04/2010 -- Aonadh Èireannach air ràdh gu bheil leth-bhreith ceadaichte ann an sgoiltean (0)
• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 26/05/2009 -- Àrd-chùirt Chalifornia a’ cumail ri Prop 8 (0)
• 25/05/2009 -- BBC Alba: Deasbad a’ leantainn mu Mhinistearan gèidh (0)

Tha am Press and Journal ag ràdh gun deach an t-Ùrr. Scott Rennie a chur an dreuchd aig Eaglais Queen’s Cross san Fhaoilleach le bhòt 60 gu 24 ach gu bheil 13 buill dhen eaglais air gearanan a dhèanamh mun dòigh-bheatha aige.

Tha an t-Ùrr. Rennie a’ fuireach anns a’ mhansa aig Àrd-Eaglais Brechin, far a bheil e ag obair, còmhla ris a bhràmair.

A-nis thèid coinneamh a chumail le comataidh air a dhèanamh suas le ministearan agus èildearan gus deasbad air na gearanan agus co-dhùnadh a dhèanamh air ma bhios an cuspair a’ dol air adhart dhan Seanadh sa Chèitean.

Sgeulachdan Co-cheangailte

• 25/05/2009 -- BBC Alba: Deasbad a’ leantainn mu Mhinistearan gèidh (0)
• 26/05/2009 -- Casg air ministearan gèidh ùra fad dà bhliadhna (1)
• 12/02/2009 -- An Eaglais Chlèireach a’ deasbad aonaidhean aona-ghnèitheach (0)
• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 04/11/2009 -- CUNNTAS-BEACHD: Am b’ fheàrr leibh sgeulachdan ùra Naidheachdan Pinc gu làitheil neo gach seachdain? (1)
• 25/05/2009 -- BBC Alba: Deasbad a’ leantainn mu Mhinistearan gèidh (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)
• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)

Thuirt an t-Urr. Bruce Reyes-Chow, Modaràtor an Eaglais, gu bheil an comataidh air a dhèanamh suas le iadhairean, luchd-lagha, aoghairean agus luchd-proifeiseanta an-sàs ann an diofar obraichean diadhaidh.

“Tha fios agam gum bi tòrr deasbad a’ dol air adhart a-thaobh na co-dhùnaidhean agam,” thuirt Reyes-Chow air a’ bhlòg aige, “agus air an obair a nì iad.”

Coltach ris na prìomh eaglaisean Pròstanach eile, tha Eaglais Chlèireach nan Stàitean Aonaichte air a bhith sgaraichte mu dheidhinn an àite a th’ aig co-ghnèithich agus leasbaich anns an eaglais. An-dràsta, tha 173 clèirich a’ bhòtadh air cead a thoirt do co-ghnèithich agus leasbaich a bhith nam ministearan. Faodaidh clèirich aonaidhean aona-ghnèitheach a bheannachadh fhad nach eil iad a’ toirt inbhe co-ionann ri pòsadh dhaibh.

Aig a’ cheart àm, tha cùirtean stàite air diofar co-dhùnaidhean a dhèanamh a-thaobh pòsadh-LGBT: tha iad laghail ann am Massachusetts agus ann an Connecticut ach tha iad mì-laghail anns a’ mhòr-chuid dhe na stàitean eile.

Thuirt Reyes-Chow gun dèan an comataidh cinnteach “gu bheil sinn a’ tuigsinn na tha sinn ag ràdh nuair a tha sinn a’ deasbad pòsaidh ann an suidheachadh diadhaidh neo pòsadh ann an institiud catharra.”

Dh’iarr an General Assembly air Reyes-Chow comataidh stèideachadh agus poileasaidhean mholadh.

Gu sònraichte, feumaidh an comataidh sùil a thoirt air: eachdraidh nan laghan a’ dèiligeadh ri pòsadh agus aonaidhean catharra; ciamar a tha diadhachd agus pòsadh air leasachadh anns an Traidisean Ath-leasaichte agus anns an Traidisean Chrìosdachd san fharsaingeachd; am buaidh a th’ aig lagan an latha an-diugh air companaich aona-ghnèitheach agus an clann; agus an àite a th’ aig aonaidhean aona-ghnèitheach taobh a-staigh a’ choimhearsnachd Chrìosdachd.

Bidh aig a’ chomataidh ri toraidhean an rannsachaidh fhoillseachadh ann an 2010.

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 24/03/2009 -- Gearanan a’ cur bacadh air ministear gèidh (1)
• 07/04/2009 -- Àrd-chuirt Iowa air bhòtadh gus pòsadh-gèidh a dhèanamh laghail (0)
• 29/01/2009 -- Caitligich Albannach: co-sheòrsachd ag adhbharachadh bàis tràtha (0)
• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)

“Tha an t-uamhas de fhianais ann a tha a’ sealltainn gu bheil càirdeis aona-ghnèitheach neo-sheasmhach gu dualach agus gun tèid dùil-bheatha nan daoine a tha an sàs ìsleachadh,” arsa neach-labhairt an eaglais, Peter Kearney.

Bha Mgr. Kearney a’ toirt iomradh air cùis-lagha dithis clann a chaidh an uchd-mhacachadh le càraid co-ghnèitheach as dèidh don Ùghdarrasan Dùn Èideann ràdh gun robh na seanpharantan aca ro shean airson a dhèanamh.

Thuir Mgr. Kearney dhan Daily Mail:

” ‘S e co-dhùnadh lèirsgriosail a tha seo aig a bhios buaidh mhòr air sochair a’ chlann.”

“Tha dleastanas aig buidhnean uchd-mhacachaidh Caitligeach a bhith coma ma bhios clann air an cur fo churam càraid pòsta neo càraid co-sheòrsach; tha seo fada fada ceàrr,” ars an eaglais aig Co-labhairt nan Easbaigean san Dàmhair.

“Feumaidh poileasaidhean teaghlaichean seasmhach a bhrosnachadh.”

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 12/02/2009 -- An Eaglais Chlèireach a’ deasbad aonaidhean aona-ghnèitheach (0)
• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)
• 24/03/2009 -- Gearanan a’ cur bacadh air ministear gèidh (1)

Cuideachd tha an athchuinge ag amas air pòsaidhean diadhaidh a thoirt do chàraidean-LGBT.

Chaidh athchuinge na Pàrlamaid a chur air dòigh leis .

Thuirt Nick Henderson, Ceannard an lìn: “Tha co-ionannachd a’ ciallachadh gum bu chòir dhan lagh a bhith a’ toirt còirichean dhan a h-uile duine.”

“A dh’aindeoin na coltasan eadar companasan-catharra agus pòsadh – tha ’sgaraichte ach co-ionann’ co-ionann ri neo-ionannachd.”

Tha an athchuinge airson an 1977 Marriage (Scotland) Act atharrachadh gus cead-pòsaidh a thoirt do càraidean-lgbt. Tha e cuideachd airson an lagh atharrachadh gus am bi seirbheisean diadhaidh ceadaichte òir tha laghan a-thaobh companasan-catharra a chur bacadh air seirbheisean mar seo.

Thuirt Mgr Henderson: “Bu toigh leinn faicinn cothroman aig càraidean-LGBT seirbheis diadhaidh a chumail, a bharrachd air companasan-catharra, ma tha e ceadaichte anns a’ bhuidheann diadhaidh.”

“A-thaobh pòsadh-LGBT, tha sgaradh farsaing eadar bheachdan gach buidheann agus bu chòir do eaglaisean, teampaill agus sionagogan a bhith comasach air càraidean-LGBT a phòsadh ma thogras iad.”

“Tha an Riaghaltas ceàrr le bhith a’ smaointinn gu bheil creideamh agus luchd-LGBT neo-chomasach air dol ri chèile, agus cha bu chòir dhan stàit ràdh ma tha aon buidheann diadhaidh ceart agus gu bheil buidhnean eile ceàrr.”

Sgeulachdan Co-cheangailte

• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)
• 26/05/2009 -- Àrd-chùirt Chalifornia a’ cumail ri Prop 8 (0)
• 12/03/2009 -- BPA a’ toirt taic do lagh an-aghaidh eucoirean gràineil (0)
• 07/12/2008 -- Tha bhidio ùr air nochdadh an aghaidh Tairgse 8 California (0)
• 19/05/2009 -- Nach toir sibh ur cuideachadh ris an t-Ùrr. Scott Rennie (0)

Bidh an neach-lagha ainmeil Kenneth Starr a’ dìon Proposition 8 air beulaibh an Àrd-Chuirt California mar riochdaire nam buidheann a chuir a’ Phroposition air adhart bho thùs. Bha Kenneth Starr an sàs sna cùisean-lagha an aghaidh Ceann-Suidhe Bill Clinton anns na 1990s, agus an-diugh tha e na Dhean aig Pepperdine Law School ann am Malibu ann an California.

An e “ath-sgrùdadh neo dìreach “atharrachadh” a th’ann?

‘Sann do bun-reachd na stàite a bhuineas Proposition 8 an-dràsta. Chan urrainn do Àrd-Chuirt bun-reachd a chur às. Ciamar am b’urrainn do luchd-dùbhlain a thoirt cùis-lagha na h-aghaidh? Seo cnac a’ chuis: tha clàs dìon còraichean co-ionnan aig Bun-reachd na Stàite, ach an e Proposition 8 ath-sgrùdadh mòr air a’ chlàs sin agus a’ Bhun-reachd fhèin, neo dìreach atharrachadh beag? ‘S e ceist chudromach a th’ann. ‘Sann a-mhàin parlamaid na stàite, ris an canar The State Assembly, a b’urrainn ath-sgrùdadh bun-reachdail a chur air beulaibh an t-sluagh, agus feumar a bhith mòr-chuid de 2/3 san Assembly air a shon. Ma tha an sluagh ag iarraidh atharrachadh beag a dhèanamh, ‘s urrainn dhaibh ath-chuinge a dhèanamh airson atharrachadh a chur air a’ bhallot, agus tha mòr-chuid simplidh, 51%, gu leòr airson buaidh. Tha na luchd-dùbhlain, a tha nan gearanaichean a’ chuis, ag iarraidh gum breith an Àrd-Chuirt gur e ath-sgrùdadh mòr a th’ann am Proposition 8, agus gun robh na modhan gun a bhith riaghailteach. Ma dh’aontachas na breitheamhan, bhiodh Proposition 8 a’ dol à bi.

Sgeulachdan Co-cheangailte

• 07/12/2008 -- Tha bhidio ùr air nochdadh an aghaidh Tairgse 8 California (0)
• 07/04/2009 -- Àrd-chuirt Iowa air bhòtadh gus pòsadh-gèidh a dhèanamh laghail (0)
• 26/05/2009 -- Àrd-chùirt Chalifornia a’ cumail ri Prop 8 (0)
• 12/02/2009 -- An Eaglais Chlèireach a’ deasbad aonaidhean aona-ghnèitheach (0)
• 20/07/2009 -- A’ Chiad Seirbheis Aona-ghnèitheach Eilean Leòdhais an-diugh (0)

Tha Tairgse 8 air a h-aontachadh le luchd-bhòtadh ann an California an 4 dhen Samhain. Chuir i pòsadh nan daoine co-ghnèitheach fon choill, ach tha ceist toinnte dè thachras ris na càraidean a chaidh a phòsadh mar-thà ann an California, an deidh co-dhùnadh Àrd-Chuairt na Stàite anns a’ Chèitean sa chaidh. Thuirt an co-dhùnadh seo gun robh còir a phòsadh aig daoine co-ghnèitheach fo bhun-reachd na stàite.

Tha daoine ainmeil a’ cluich anns a’ bhidio: Neil Patrick Harris, John C. Reilly, Margaret Cho agus Jack Black, a tha a’ cluich Ìosa. Aig an deireadh, tha Harris ag ràdh ris na daoine air gach taobh an deasbaid gum biodh pòsadh (agus sgàradh-pòsaidh) nan daoine co-ghnèitheach na b’ fheàrr dhan eaconomaidh Ameireaganach—an deidh do Ìosa a dhìobradh a dhearbhadh dha na daoine chràbhaich ri argamaid an spioraid.

Sgeulachdan Co-cheangailte

• 23/12/2008 -- Iongnadh mòr air California às deidh baraile bho Attorney General (0)
• 07/04/2009 -- Àrd-chuirt Iowa air bhòtadh gus pòsadh-gèidh a dhèanamh laghail (0)
• 26/05/2009 -- Àrd-chùirt Chalifornia a’ cumail ri Prop 8 (0)
• 16/01/2009 -- Athchuinge airson pòsadh LGBT air a thoirt gu Pàrlamaid na h-Alba (0)
• 22/02/2010 -- Deasbad mu Companasan-catharra san Eilean Mhanainn (0)

Anns a’ bhiodio ùr tha Boyzone a’ nochdadh ann an seallaidhean còmhla ri ban-actairean a’ riochdachadh na mnathan aca ach tha Stephen Gately, a tha co-ghnèitheach, a’ nochdadh le actair seach le ban-actair.

Thuirt an Clèir Èireannach ris The Sun gu bheil am bhidio a bhios air fhaicinn le muilnean a’ sgaoileadh teachdaireachd marbhtach ri daoine òga.

Ach thuirt Stephen Gately, “Nam bheachdsa, cha bu chòir do cùis mhòr a bhith a’ dèanamh a-mach à seo.”

B’ e Boyzone a’ chiad còmhlan-ciùil a chur càraid co-ghnèitheach ann am bhidio-ciùil.

Seo agaibh am bhidio-ciùil airson Better:

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha luchd-foghlaim ann an Chicago air ràdh nach tèid planaichean airson àrd-sgoil LGBT fhosgladh anns a’ bhaile air adhart.

Thathar ag ràdh nach tèid na planaichean air adhart air sgàth ’s gu bheil luchd-dùbhlain airson sgoil fosgladh a-mach gu mion-chuidean eile seach a bhith airson luchd-LGBT a-mhàin.

“Bha iad (Ùghdarrasan an Sgìre) airson dèanamh cinnteach gu biodh an sgeama fosgladh a-mach ri clann eile a tha air an iomall air sgàth ’s adhbharan a leithid creideamh, cuideam agus eile,” arsa neach-labhairt Michael Vaughn

Thuirt na luchd-taice nach robh iad airson na planaichean a dhol air adhart a-nis air sgàth ’s gun robh iad air “watered down” agus nach eil robh iad a’ co-fhreagairt na h-amasan a bh’ aca tuilleadh.

Sgeulachdan Co-cheangailte

• Duilich ach chan eil sgeulachdan co-cheangailte ann!

Chuir Neach-tagraidh a’ Bhaile Delgadillo an cèill gum bi Baile Los Angeles a’ dol a ghabhail pairt anns a’ chùis-lagha an aghaidh Proposition 8.

Sgeulachdan Co-cheangailte

• Duilich ach chan eil sgeulachdan co-cheangailte ann!

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha luchd-LGBT air a bhith a’ dèanamh mèarrsadh air sràidean air feadh California agus iad a’ togail casaid an dèidh buaidhe Proposition 8.

Tha na caismeachdan air a bhith sìtheil ged a bha iad deònach agus gun chead.

‘S e daoine àbhaisteach a tha gan cur air chois tro làraichean-lìn a leithid Facebook.

Bha iad a’ dèanamh mèarrsadh ann an dà chuid bailtean beaga agus bailtean mòra agus bha 20,000 daoine an sàs uile gu lèir.

Ann an Los Angeles, bha Teampall nan LDS (Mormanach) agus a’ Chathair-eaglais Chaitleagach cinn-siubhail nan caismeachdan.

Cuideachd aig deireadh na seachdaine, thuirt an Riaghladair Arnold Schwarzenegger gun robh e mì-fhortanach gun do bhuaidh Proposition 8, agus gun robh e dòchasach gum bi Àrd-Chuirt California ga cur às. Chuir Schwarzenegger fhèin bheto air pòsadh-LGBT nuair a bhòt Assembly na Staite air a shon.

Anns an LA Times an-diugh, tha leasbach dhubh a’ mìneachadh carson nach do chuir i taic laidir do “No on 8”: http://www.latimes.com/news/opinion/la-oe-cannick8-2008nov08,0,3295255.story. Bhòt 2/3 na daoine dubha airson Proposition 8.

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha an Associated Press ag ràdh gu bheil luchd-bhòtaidh ann an Arizona air bhòtadh airson bacadh a chur air pòsadh-LGBT.

Ged a bha pòsadh-LGBT mì-laghail ann an Arizona mar thà bha luchd-bhòtaidh airson bun-reachd na stait atharrachadh gus nach biodh cuirt comasach air seo atharrachad.

Chaidh na h-atharrachaidhean aontachadh Dimàirt.

A bharrachad air muinntir Arizona, bhòt luchd-bhòtaidh ann an California agus Florida air bacadh air pòsadh-LGBT an-dè. Chan eil na toraidhean air fhoillseachadh fhathast, ach an-dràsta thathar an dùil gun tèid Proposition 8 aontachadh ann an California.

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha ionad-rannsachaidh anns na Stàitean Aonaichte air ràdh gu bheil còrr ’s 18,000 daoine air phòsadh ann an California o chionn 17mh dhen t-Òg Mhìos 2008 nuair a rinn na h-ùghdarrasan pòsadh-LGBT na lagh.

An-diugh bidh luchd-bhòtaidh san stait a’ bhòtadh an-aghaidh neo airson Proposition 8 a tha a’ feuchainn ri bachadh a chur air pòsadh-LGBT. A bharrachd air California bidh luchd-bhòtaidh ann an Florida agus Arizona a’ bhòtadh air a’ bhallot cuideachd.

Tha còrr ’s $60m (£32m) air a bhith a’ togail eadar gach taobh dhen deasbad le compaidhean mòra a leithid Apple a thug $100,000 dhan iomairt an-aghaidh Proposition 8 agus Google a thug $140,000 dhan iomairt. Cuideachd tha rionnagan a leithid Brad Pitt agus Steven Spielberg air airgead a thogail. Air an taobh eile tha an Eaglais Chaitligeach agus Eaglais Mhormonach air tòrr airgead a thogail dhan iomairt airson Proposition 8.

Chaidh cunntas-bheachd fhoillseachadh o chionn ghoirid a’ sealltainn gum bhòt 49% dhe luchd-bhòtaidh an-aghaidh Proposition 8, 44% airson agus nach eil 7% cinnteach.

Sgeulachdan Co-cheangailte

• Duilich ach chan eil sgeulachdan co-cheangailte ann!

A bharrachd air taghadh Ceann-suidhe na Stàitean Aonaichte, bidh muinntir Chalifornia a’ bhòtadh an-aghaidh neo airson Proposition 8 an-diugh.

Mar a bhios cuimhne agaibh tha Proposition 8 a’ feuchainn ri bacadh a chur air pòsadh-LGBT le bhith ag atharrachadh bun-reachd na California le earrann ùr ag ràdh “nach bi ach pòsadh eadar fear agus boireannach air aithneachadh ann an California.”

Cùm sùil air Naidheachdan Pinc airson na naidheachdan as ùire…

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha bhiocair anns an Eaglais Shasannach air ràdh air a’ bhlòg aige gum bu chòir rabhadh slàinte a bhith air stampadh air luchd-LGBT.

Sgrìobh an t-Urr. Peter Mullen:

“Bu chòir do dhleastanas a bhith aig co-sheòrsaich tatù fhaighinn air an tònan ag ràdh SODOMY CAN SERIOUSLY DAMAGE YOUR HEALTH agus tatù eile air an smigean ag ràdh FELLATIO KILLS.

Tha na blògaichean air a bhith a’ sguabadh às a-nis.

“Ged a tha sinn dhen bheachd gum bu chòir do shaorsa làbhairt a bhith aig clèir, tha fios againn gu bheil seo oilbheumach agus chan e seo idir idir beachd a th’ aig Sgìr-easbaig Lunainn,” arsa neach-labhairt an Eaglais.

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha cunntas-beachd ùr a’ sealltainn gu bheil Proposition 8 a’ caill taic ann an California.

Thèid Proposition 8 air beulaibh luchd-bhòtaidh ann an California latha taghaidh an ath-mhìos.

Anns an t-Iuchar dheasaich an t-Ard-Neach-tagraidh briathrachas Proposition 8 bho “amends the California Constitution to provide that only marriage between a man and a woman is valid or recognised in California” gu “changes California’s Constitution to eliminate right of same-sex couples to marry.”

Mus do dheasaich e am briathrachas bhòt 42% de dhaoine ann an cunntas-beachd gum biodh iad a’ bhòtadh airson Proposition 8, ach tha an cunntas-beachd ùr a’ sealltainn gun do bhòt 38% air a shon.

Bhòt 51% an-aghaidh a’ Phroposition san t-Iuchar ach a-nis bhòt 55% nach iad a’ bhòtadh air a shon.

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha Eaglais nan Latter-Day Saints (??) air bileag fhoillseachadh a-thaobh pòsadh-LGBT.

Tha am bileag, The Divine Institution of Marriage, a’ tighinn as dèidh don Eaglais aithris fhoillseachadh anns an tug iad taic ri Proposition 8, a bhios a cur bacadh air pòsadh-LGBT ann an California.

Ach ged a tha na Mormonaich a’ bruidhinn a-mach an-aghaidh pòsadh-LGBT anns a’ bhileag seo, chan eil iad an-aghaidh còirichean eile do luchd-LGBT.

Sgrìobh iad:

“Chan eil an t-eaglais an-aghaidh còirichean (a tha stèidichte ann an California mar thà) a leithid cùram slàinte, taigheadas, obair agus oighreachd.”

Ach tha Affirmation, buidhean de Mhormanaich LGBT air am bileag a chàineadh agus a mhòladh aig an aon àm.

Thuirt David Melson, neach-labhairt Affirmation:

“‘S e seo an aithris as cudromaiche bhon Eaglais o chionn God Loveth His Children a chur iad a-mach ri ràdh nach e tinneas neo peacadh a th’ ann an co-sheòrsachd.”

“Tha sinn a’ moladh misneach na ceannardan a sgriobh seo, nuair a tha e a’ dol an-aghaidh beachdan an eaglais roimhe agus tha sinn dhen bheachd gur e ceum dòchasacha tha seo”, ars e. “Bhitheamaid nas toilichte nan robh am blieag air fhoillseachadh aig àm nuair nach robh an Eaglais a’ feuchainn ri còirichean catharra luchd-LGBT a thoirt air falbh agus teaghlaichean briseadh bhon a chèile.”

Sgeulachdan Co-cheangailte

• Duilich ach chan eil sgeulachdan co-cheangailte ann!

Chaidh ceannard Iraqi LGBT ga mhurt ann am Baghdad, Irac an dè.

Thuirt Peter Tatchell gu robh Bashar, 27 gus na h-oileanach, ann am borbair nuair a bhris militia a-staigh dhan bhùth agus “sprayed his body with bullets at point blank range.”

Bha Bashar na neach-eagrachaidh dhen taighean tèarainte do luchd-LGBT ann an Baghdad. Bha e na “kind, generous and extremely brave young man – a true hero who put his life on the line to save the lives of others”, arsa Tatchell.

Tha aithris a chaidh a foillseachadh ann an 2007 leis an UN a’ cur cudrom air ionnsaighean air luchd-LGBT far am bi mìleantaich, fo smachd clèireach gan toirt gu cùirt agus an uair sin gan cur gu bàs.

Ged nach eil co-sheòrsachd mì-làghail ann an Irac, tha tòrr laghan ann airson bacadh a chur air luchd-LGBT a leithid laghan an-aghaidh màirnealachd, mì-chuibheasachd, agus sgaoileadh de thinneasan.

Tha mi air bhidio fhaighinn bho Gays Without Borders a tha a’ deiligeadh ris na mìleantaich ann an Irac:

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha George Takei air fhoillseachadh air an làrach-lìn aige gu bheil e an dùil a chompanach, Brad Altman, phòsadh.

Tha iad nam measg iomadach càraidean LGBT, a leithid Ellen DeGeneres agus Portia de Rossi a tha airson pòsadh an dèidh dhan Àrd-chùirt pòsaidhean LGBT a dhèanamh làghail anns an stàit.

Tha Takei gu math ainmeil airson Hikaru Sulu a chuich ann an Star Trek agus airson Kaito Nakamura a chluich ann an Heroes. Tha e cuideachd na gnìomhaiche a tha an sàs ann agus ag obair airson iomadach buidhneann LGBT.

Sgrìobh Takei air an làrach-lìn aige gu bheil iad air a bhith a’ falbh le chèile o chionn 21 bliadhna agus iad uabhasach toilichte gu bheil iad gu bhith “pòsta agus nan luchd-àiteachaidh co-ionann nar stàit.”

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha Colin McAllister agus Justin Ryan air phòsadh ann an seirbheis dìomhair aig an Oifis Chlàraidh Chelsea ann an Glaschu.

Thachair an seirbheis dìomhair anns a’ Ghearran agus cha robh ach dithis eile an làthair, Elaine agus Georga Ponte.

Thug iad gealladh-pòsaidh dha chèile san Dùbhlachd nauir a bha iad ag obair air a’ phrògram t.bh. ùr aca, Home Heist.

“An dèidh bliadhna a’ fuireach ann an Toronto, a’ clàradh Home Heist, , bha e sòilleir dhuinn gun robh sinn airson pòsadh,” arsa Ryan. “Tha Canada na nàisean adhartach, fosgailte ri agus a’ cur fàilte air pòsadh LGBT, bha e brosnachail.”

An dèidh an seirbheis, dh’fhalbh iad airson mìos nam pòg anns a’ Chairibìan.

Sgeulachdan Co-cheangailte

• Duilich ach chan eil sgeulachdan co-cheangailte ann!

Tha ceannard an Eaglais Anglican ann an Astràilia air taic a thoirt ris bacadh air càraidean co-ghnèitheach aig a’ Phrom.

Tha cuid dhe na h-oileanaich anns an dàrna bhliadhna dheug anns an Alglican Grammar School ann am Brisbane airson na carabhaidhean aca a thoirt dhan a’ Phrom.

Thuirt ceannard an sgoil gum biodh e deònach bruidhinn air a’ chuspair ach gu tradaiseanta tha poileasaidh an sgoil ag ràdh gur e tachartas airson balaich agus nigheanan a bhith eadar-obrachadh.

Tha an t-Urr. Philip Aspinall na cheann-suidhe comhairle an sgoil agus na Àrd-easbaig ann am Brisbane. Thuirt e:

Chan eil mi an aghaidh balaich a” dol dhan a’ Phrom le càirdean fireannach neo nigheanan a’ dol le càirdean boireannach.”

“A dh’aindeoin seo tha mi a’ tuigsinn gu bheil an sgoil airson eadar-obrachadh bhrosnachadh eadar balaich agus nigheanan.”

“Chan eil mi an aghaidh seo agus tha mi a’ smaointinn gur e dòigh reusanta agus dligheadh a th’ ann.

Thuirt ceannard an sgoil Jonathan Hensman gu bheil e airson a’ chuspair seo a thogail le comhairle an sgoil agus e airson riochdairean bho na h-oileanaich a thighinn air adhart.

Sgeulachdan Co-cheangailte

• Duilich ach chan eil sgeulachdan co-cheangailte ann!

The breitheamh fedearlach anns ns Stàitean Aonaichte ag ràdh gum bu chòir don Westboro Baptist Church agus na h-oifisean aig Phelps-chartered Law a bhith gan toirt air falbh bhon luchd-seilbhe aca gus càin de $5m a phàigheadh.

Tha an eaglais stèidichte ann an Topeka, Kansas agus tha iad air tòrr làraichean-lìn a chruthachadh a leithid GodHatesFags.com agus GodHatesAmerica.com a tha a’ dìteadh leasbaich, co-ghnèithich, dà-ghnèithich, tar-ghnèithich, Muslamaich, Iùdhaich agus Caitligich Romanach.

Chaidh an càin a chur orra air sgàth ’s gu bheil iad a’ picketeadh tiodhlachaidhean saighdearan Ameireaganach air sgàth ’s gu bheil iad dhen bheachd gu bheil na saighdearan a’ bàsachadh air sgàth ’s gu bheil Ameireaga a’ toirt taic ris a’ choimhearsnachd LGBT agus gu bheil Dia mì-thoilichte.

Tha an co-dhùnadh seo a’ ciallachd gum tèid an eaglais fhèin agus na h-oifisean aig Phelps-chartered Law a bhith gan toirt air falbh bhon t-Uarr. Fred Phelps agus an teaghlach aice a tha nan ceannardan na h-eaglais.

Sgeulachdan Co-cheangailte

• Duilich ach chan eil sgeulachdan co-cheangailte ann!