Fàilte oirbh a chàirdean

Is mise Crìstean MacMhìcheil. Tha mi nam oileanach co-ghnèitheach ag ionnsachadh na Gàidhlig agus na Gaeilge. Chruthaich mi an làrach-lìn seo mar phàirt dhen Cheum BA (le Urram) Gàidhlig agus Leasachadh a tha mi a’ dèanamh aig Sabhal Mòr Ostaig agus Ollscoil na hÉireann Maigh Nuad.

Naidheachdan as ùire - 27/11/2008

Mar a bhios fios agaibh, tha mi air a bhith gu math trang ag obair air AbairThusa, Lìon Sòisealta nan Gàidheal. Tha AbairThusa a-nis aon bliadhna a dh’aois ague e air a bhith a’ fàs gu luath, tha ochdad ’s a h-ochd buill air gabhail ann a-nis.

A bharrachd air AbairThusa, tha mi air tòrr obair a dhèanamh air Naidheachdan Pinc far am faighear naidheachdan LGBT (Leasbach, Co-ghnèitheach, Dà-ghnèitheach & Tar-ghnèitheach) anns a’ Ghàidhlig. Tha mi air triùr eile a lorg a tha air a bhith gu math trang a’ sgrìobhadh airson Naidheachdan Pinc.

Tha mi-fhìn agus Eli Dhòmhnallach air buidheann Bebo a chruthachadh do luchd-LGBT aig a bheil a’ Ghàidhlig. Bidh fàilte chridheil air duine sam bith a bhios airson gabhail anns na GayGaels. Tha sinn ri lorg air AbairThusa cuideachd!

Faodaidh sibh na naidheachdan as ùire fhaighinn a-mach a-thaobh AbairThusa agus Naidheachdan Pinc le bhith gam leantainn air Twitter, Pownce neo FriendFeed.